范徐麗泰

立法會90席係咪太多？范徐麗泰倡日後檢討：議員數目值得再考慮

香港立法會前主席、全國人大前常委范徐麗泰近日接受訪問時談到現屆立法會，認為議員除咗要為市民發聲，亦應該做好榜樣。比較引起關注嘅係，佢主動談到現時立法會有90個議席，認為將來可以重新考慮同檢討議席數目。喺香港政府近年持續強調控制公共開支嘅背景下，立法會究竟需要幾多名議員、相關團隊要動用幾多公帑，再次成為值得討論嘅議題。